Mae ein lleoliadau ‘Ar y Lôn’ yn gartref dros dro i’r holl weithgareddau sy’n digwydd yn yr adeilad blaenllaw ar Ynys Môn, gan gynnwys Gofod Gwneuthurwr Ffiws, desgiau poeth, gofod cydweithio, gweithdai a seminarau busnes, dylunio, technoleg ac arloesi, yn ogystal â sesiynau gwyddoniaeth a thechnoleg i bobl ifanc.

Yn 2019 a dechrau 2020 aeth M-SParc ar daith ym Methesda a Botwnnog, gan ymgysylltu â bron i 700 o bobl mewn pedwar mis mewn prosiect i hybu, ysgogi a chefnogi busnesau yn y sector Technoleg a Gwyddoniaeth i dyfu yn y rhanbarth. Ym mis Medi 2021 fe aethon ni Ar Daith i Fae Colwyn ac wedi sefydlu lleoliad eleni yng Nghaernarfon hefyd, cymunedau newydd atyniadol a chyffrous drwy’r amser!

Mae’r daith yn ganlyniad uniongyrchol i M-SParc am gael effaith ranbarthol yn y sectorau Creadigol, Gwyddoniaeth a Thechnoleg, i ysgogi busnesau ac annog mwy o bobl i ymddiddori mewn gwyddoniaeth a thechnoleg.

Drwy gael ei wreiddio yng nghymunedau gogledd-orllewin Cymru, bydd M-SParc yn ysbrydoli’r genhedlaeth nesaf i ymddiddori yn y sectorau hollbwysig hyn a meithrin cydweithio rhwng diwydiant a Phrifysgol Bangor.