Mae M-SParc wedi lansio prosiect Iaith a Gwaith; gyda’r nod o wella iaith unigolion drwy eu trochi yn y Gymraeg mewn gwahanol ffyrdd, er mwyn cael mwy o siaradwyr Cymraeg yn y gweithle.
Un rhan o’r prosiect uchelgeisiol yw’r gofod digidol ar Discord sy’n galluogi unigolion i ymarfer eu sgiliau Cymraeg wrth sgwrsio ar lafar ac yn ysgrifenedig gydag eraill. Bydd cwmni gyfieithu Cymen a chanolfan threftadaeth a’r iaith Nant Gwrtheyrn wrth law i ateb cwestiynau a chynnig cyngor arbenigol. Rydym hefyd yn gweithio gydag Age Cymru a Chanolfan Bedwyr, fydd yn gwirfoddoli eu hamser i sgwrsio ar y sianel.
Bob dydd Gwener am 12:30 tan ddiwedd y flwyddyn, bydd wynebau cyfarwydd o ddiwylliant Cymru wrth law am sgwrs fyw, yn rhannu straeon am eu defnydd o’r iaith, ac yn ateb eich cwestiynau. Y tri cyntaf oedd y digrifwr a’r cerddor Hywel Pitts, Gareth yr Orangutan, a’r actores, cyflwynydd a bardd Caryl Bryn. Gallwch wrando yn ôl ar y sgyrsiau hyn ar ein sianel YouTube.
Anwen Davies, Rheolwr Rhanbarthol ARFOR
Elfen gyffrous arall o’r cynllun yw’r Academi Sgiliau, sydd yn weithredol ar hyd rhanbarthau Arfor ac yn cynnig lleoliad gwaith cyflogedig i 10 o unigolion. Mae’r cynllun hefyd yn caniatau i’r unigolion gael eu trochi yn y Gymraeg tra eu bod nhw’n gweithio. Un o’r unigolion sydd wedi manteisio ar y cyfle yw Chiara Antoniazzi.
Chiara Antoniazzi, Swyddog Marchnata, Academi Sgiliau M-SParc
Mae Chiara a’r criw hefyd yn derbyn gwersi Cymraeg arbennig, sydd wedi ei greu yn benodol ar gyfer y rhaglen, er mwyn magu hyder a’r defnydd o’r iaith bob dydd. Mae M-SParc yn cydweithio gyda Phrifysgol Bangor i greu’r a darparu’r rhaglen gyda gwersi a chymorth ieithyddol wedi’u teilwra i unigolion a’i anghenion nhw, naill ai i loywi iaith, derbyn cymorth ar ddarn penodol o waith, neu i ymarfer: 1 i 1, ar lein, neu cymorth wyneb yn wyneb. Bydd M-SParc yn gweithio i barhau i ddatblygu’r cynnig wedi i brosiect Arfor ddod i ben. Hyd yma mae pob aelod yn adrodd eu bod wedi cael fwy o hyder ac yn defnyddio mwy o’r iaith – adborth gwych!
Yn unol a’r cynllun mae lleoliadau ffisegol sef ‘Gofodau Cymraeg’ hefyd wedi’u creu. Gofodau yw’r rhain lle all bobl gerdded i mewn i yn gwybod eu bod yn gallu ymarfer eu sgiliau iaith yno. Mae’r lleoliadau yma yn cynnwys M-SParc, lleoliadau Ar y Lon ym Mangor, Pwllheli a Bala, ac Yr Egin yn Sir Gâr.
Mae’r prosiect wedi ei ariannu gan Cronfa Her Arfor drwy Llywodraeth Cymru.
tom@m-sparc.com
Roedd Tom yn arfer gweithio yn y KFC yn ei dref enedigol, Bae Colwyn cyn iddo losgi’n ddirgel. Yna treuliodd sawl blwyddyn “ar y lam” yn Nwyrain yr Almaen, lle bu’n gweithio fel animeiddiwr yn Berlin. Pan syrthiodd y wal, daeth Tom adref.
Mae Tom yn mwynhau dringo ac yn casáu sglefrio iâ.
