Barod i gamu i fyny eich gêm ddigidol? Ddim yn siŵr pa offer neu systemau sy’n iawn i’ch busnes? Am drawsnewid dy fusnes yn ddigidol ond ddim yn siwr lle i gychwyn arni? Paid a phoeni, mae M-SParc yna i helpu.
Mae technoleg ddigidol yn chwarae rhan hanfodol wrth helpu busnesau i dyfu, dod yn fwy effeithlon, ac aros mewn cysylltiad. Mae ein Grant Digidol wedi’i gynllunio i gefnogi cwmnïau ar Ynys Môn sy’n awyddus i fuddsoddi mewn meddalwedd neu atebion cysylltedd – boed hynny’n uwchraddio systemau, gwella profiadau cwsmeriaid, neu symleiddio gweithrediadau.
O offer sy’n seiliedig ar y cwmwl i uwchraddio cysylltedd a meddalwedd arbenigol, gall y grant eich helpu i wneud buddsoddiadau strategol sy’n dod â gwir effaith ar eich gweithrediadau o ddydd i ddydd.
Cymhwysedd
Mae’r grant ar gael i unrhyw fusnes sydd wedi’i leoli yn Ynys Môn. Rhaid i ymgeiswyr ddangos cynllun clir ar gyfer trawsnewid digidol.
Prynu’n Lleol
Er mwyn cefnogi’r economi ddigidol a thechnoleg leol, gofynnwn i chi ystyried defnyddio cyflenwyr sydd wedi’u lleoli yn Ynys Môn, Gwynedd neu Gonwy. Ni fydd hyn yn rhan o’r broses asesu, ond gofynnir i chi esbonio’r camau a gymerwyd gennych i ddod o hyd i gyflenwr lleol a’ch rhesymau os dewiswch beidio â defnyddio un.
Peidiwch â phoeni, os nad ydych yn siŵr ar beth a ble y gellid ei wario, mae gennym rywfaint o help ar gael…
Ymgynghoriad Cynghorydd Digidol
Rydym yn annog busnesau sydd yn ystyried gwneud cais am arian i drawsnewid ei busnesau yn ddigidol i gysylltu gyda aron@m-sparc.com i drafod y syniad. Bydd modd i chi hefyd wedyn gael cyngor arbennig gan swyddog digidol Busnes Cymru a gall Aron eich cyflwyno i’r gwasanaeth yna am y cyngor gorau un.
Llwyddiannau Blaenorol
Helpodd ein Grant Twf Digidol 2024, a gefnogir gan Gronfa Ffyniant Gyffredin (SPF) Llywodraeth y DU, 10 busnes yn Ynys Môn i fuddsoddi mewn trawsnewid digidol – gan wella cysylltedd, buddsoddi mewn meddalwedd a thrawsnewid eu busnesau.
Elwodd Tropic o'r Grant Twf Digidol gan iddo ganiatáu inni greu teclyn sy'n defnyddio deallusrwydd artiffisial i'n helpu i gyflymu'r broses ddylunio.
Wnaeth Grant Digidol M-SParc ganiatáu inni ehangu ein busnes fel y gallem wneud graffeg amser real a chynhyrchiadau rhithwir, a ddangoswyd yn yr haf gydag Esteddfod - y gystadleuaeth esports gyntaf yn y Gymraeg.
Gwybodaeth Pwysig
tom@m-sparc.com
Roedd Tom yn arfer gweithio yn y KFC yn ei dref enedigol, Bae Colwyn cyn iddo losgi’n ddirgel. Yna treuliodd sawl blwyddyn “ar y lam” yn Nwyrain yr Almaen, lle bu’n gweithio fel animeiddiwr yn Berlin. Pan syrthiodd y wal, daeth Tom adref.
Mae Tom yn mwynhau dringo ac yn casáu sglefrio iâ.
