Mae Glasbrint Ffotograffig yn broses ffotograffig amgen a ddyfeisiwyd gan y seryddwr John Herschel yn 1842. Gorchuddio papur dyfrlliw â hydoddiant sy’n sensitif i olau i ddatgelu golau uwchfioled. Pan fydd y papur yn cael ei rinsio, mae’n newid o wyrdd i las indigo gydag amlinell ffotograffig gwyn clir o unrhyw wrthrychau a osodwyd arno – heb ddefnyddio camera.
Mae’n gyflym ac hawdd – mae’r canlyniadau bob amser yn bositif – ac ni all dim fynd o’i le.
Yn y gweithdy hwn byddwn yn canolbwyntio ar blanhigion a blodau ar gyfer ein delweddau. Byddwn yn treulio’r bore yn gwneud sawl glasbrint ffotograffig maint cerdyn post gan ddefnyddio pecynnau gwactod a blychau golau.
Byddwn hefyd yn gweithio gyda FFIWS, gan ddefnyddio eu hoffer i drosglwyddo eich delweddau i arwynebau eraill fel mygiau.
Diwrnod gwych ar gyfer arbrofi a rhoi cynnig ar dechnegau newydd!
Sian Hughes – artist o Ogledd Cymru sydd wedi’i lleoli yn Llanfairfechan.
“Rwyf wedi archwilio’r broses Glasbrint Ffotograffig dros nifer o flynyddoedd, gan haenu delweddau yn y stiwdio yn ogystal â gweithio yn y dirwedd gan gynhyrchu gwaith ar gyfer gosodiadau ac arddangosfeydd”.
“Fy ffocws ar hyn o bryd yw gweithio gyda phorslen a latecs felly rwy’n edrych ymlaen yn fawr at weithio eto gyda’r broses ffotograffig amgen hudolus hon”.