Mae’n hynod gyffrous i M-SParc gymryd y cam hwn. Bydd Lefel Nesaf yn trawsnewid y dirwedd ar gyfer busnesau arloesol yn y rhanbarth ac yn cynnig pecyn hollgynhwysol, gan arfogi sylfaenwyr gorau a disgleiriaf y rhanbarth gyda’r offer i fynd â’u busnes i’r lefel nesaf. Mae ein henw da am ddarparu’r cyfleoedd gorau i fusnesau o’r fath yn y rhanbarth heb ei ail. Rydym wedi helpu i sicrhau miliynau o bunnoedd o fuddsoddiad i’n tenantiaid dros y blynyddoedd ac wedi darparu cymorth busnes o’r ansawdd uchaf, ond mae Lefel Nesaf yn cadarnhau ein huchelgais i fynd â hyn oll i’r lefel nesaf a gwneud gwahaniaeth sylweddol i fusnesau yn y rhanbarth ehangach.