NEWYDDION
Egni 2023 – Y Gynhadledd Net Sero yng Ngogledd Cymru!
Bob dydd rydyn ni’n wynebu sefyllfa lle rydyn ni’n meddwl “Bysa’n wych os bysa rwyn yn datrys y broblem yma, byswn i’n hoffi helpu’r bobl hyn trwy wneud x,y a z” a dyna’n union be’ wnaeth 4 person ifanc uchelgeisiol o Ynys Môn a Gwynedd yn ein lleoliadau #ArYLon .
Nod y cynllun hwn oedd cael pobl ifanc i ddatblygu meddylfryd entrepreneuraidd a chyflwyno’r syniad busnes sydd ganddynt! Byddent wedyn yn derbyn cyllid a chymorth busnes gan M-SParc i helpu eu syniadau i gychwyn.
Yn ystod ei amser #ArYLôn cawsant fynediad i gofod gwneud Ffiws lle roedd modd prototeipio a phrofi eu syniadau anhygoel gyda chymorth ein technegydd Ffiws. Cawsant hefyd ofod desg am ddim a mynychy nifer o ddigwyddiadau gan yr Hwb Menter a Syniadau Mawr Cymru.
Y 4 ymgeiswyr llwyddiannus yw Cian Woodford, Ffion Bee, Siwan Jones ac Isabella Castellanos.
Mae Ffion ac Isabella wedi gwneud posteri o’u gwaith i ni yma yn M-SParc ac wedi mynychu Ffair wsos cychwyn ym Mhrifysgol Bangor, gan ddosbarthu’r posteri i fyfyrwyr a hyrwyddo brand M-SParc ar y diwrnod.
Mae Siwan, sydd wedi graddio o Brifysgol Bangor, wedi bod yn derbyn cymorth a chyllid gan y Brifysgol drwy B-fentrus. Mae hi wedi cael cymorth a chefnogaeth bellach drwy’r cynllun hwn. Manteisiodd Siwan hefyd ar y cyfle yn yr wythnos groeso i gynnal grŵp ffocws gyda myfyrwyr ar y blychau llyfrau y mae hi wedi bod yn eu creu.
Byddwn yn parhau i gefnogi’r entrepreneuriaid ifanc ar eu taith fusnes a dymuno’r gorau iddynt yn y dyfodol!