Cynhyrchwyd cyfanswm o 2.6 tunnell o wastraff cyffredinol yn ystod y flwyddyn, gyda 100% ohono wedi’i ailgylchu trwy ein partner gwastraff, Gaskells. Cafodd deunyddiau gan gynnwys cardbord, plastigau, gwydr, gwastraff bwyd a metelau eu hadfer a’u hailbrosesu – gyda’r allbynnau wedi’u hailgylchu yn cael eu defnyddio mewn cynhyrchion fel blychau wyau a dodrefn gardd.
Daw’r cyflawniad hwn wrth i Gymru gryfhau ei safle fel arweinydd byd-eang mewn ailgylchu, gyda chyfraddau cenedlaethol yn codi i 68.4% yn 2024–25 yn dilyn cyflwyno diwygiadau ailgylchu newydd yn y gweithle. Dim ond 0.7% o wastraff yng Nghymru sy’n mynd i safleoedd tirlenwi bellach, gan osod y wlad yn ail yn y byd o ran ailgylchu.
Mae canlyniad M-SParc o ran gyrru dim i’r tirlenwad yn dangos sut mae ailgylchu effeithiol yn y gweithle yn ymarferol ac yn rhan allweddol o’n hamcanion cynaliadwyedd a Sero Net ehangach. Nid yw hyn yn ymwneud ag M-SParc yn unig ond â’r holl gwmnïau o fewn yr ecosystem sydd hefyd yn rhan o’r daith Sero Net a chynaliadwyedd hon gyda ni!
Dr Debbie Jones, Rheolwr Arloesedd Carbon Isel, M-SParc
tom@m-sparc.com
Roedd Tom yn arfer gweithio yn y KFC yn ei dref enedigol, Bae Colwyn cyn iddo losgi’n ddirgel. Yna treuliodd sawl blwyddyn “ar y lam” yn Nwyrain yr Almaen, lle bu’n gweithio fel animeiddiwr yn Berlin. Pan syrthiodd y wal, daeth Tom adref.
Mae Tom yn mwynhau dringo ac yn casáu sglefrio iâ.
