Miwtini Bach oedd ein rhaglen gyntaf i gael ei sefydlu mewn ysgolion, ac mae wedi’i hoedi ar hyn o bryd wrth i ni ganolbwyntio ar ein gwaith arall.

Yn y rhaglen yma, y bwriad ydi rhoi cyfle i ddisgyblion blwyddyn 5 a 6 yn y Cynradd, neu blwyddyn 9+ yn yr Uwchradd i brofi a datblygu sgiliau entrepreneuriaeth mewn her mentergarwch!

Yn aml, mae’r rhaglen yma yn cefnogi a creu newid ym meddylfryd disgyblion sydd ddim yn meddwl am eu hunain fel bod yn academaidd. Mae rhan helaeth o gwmniau yng Ngogledd Cymru yn busnesau bychain, felly mae’n debygol iawn y bydd y disgyblion yma unnai’n gweithio i gwmni fach neu yn cychwyn busnes eu hunain. Bydd y sgiliau o’r rhaglen yma’n hanfodol i’w dyfodol.

Bydd y disgyblion yn datblygu busnes a chynnyrch eu hunain drwy roi STE(A)M mewn cyd-destun byd gwaith a thu hwnt i lawr y dosbarth. Bydda nhw’n creu syniad, datblygu busnes, adeiladu cynllun a costau, dylunio prototeip, a cyflwyno ei syniad. Mae’r rhaglen yn dod i derfyn gyda’r disgyblion yn ‘pitcho’ ei syniadau mewn arddull Den y Dreigiau.

Mae ein rhaglen STEM Egni yn gyfle gwych i blant a phobl ifanc ddatblygu amrediad eang o sgiliau’n drawsgwricwlaidd sy’n ymateb i ofynion y Cwricwlwm i Gymru. Yn dilyn sesiynau ymarferol ac addysgiadol am newid hinsawdd a’u hardal leol, bydd y plant yn cael y cyfle i ail-ddylunio eu pentref i fod yn fwy eco-gyfeillgar a chynaliadwy. Byddant yn dysgu am wahanol ffynhonnellau egni gwyrdd lleol cyn gweithio fel tîm i drin cyllideb a datrys problemau bywyd go iawn a defnyddio CAD i greu mapiau 3D cyn cloi’r rhaglen drwy gyflwyno eu syniadau o flaen beirniaid.

Gyda cysylltiadau efo diwydiant lleol a’n llawn profiadau ymarferol, cyfredol a pherthnasol sy’n siŵr o ennyn diddordeb pob plentyn, mae ein rhaglen Egni yn gyfle gwych i gyfoethogi eich addysgu a gadael gwaddol ar arweinwyr ein dyfodol.

Eisiau cydweithio ar y rhaglen hwn a chynnig profiadau gwerthfawr ac unigryw i’ch dysgwyr? Peidiwch ag oedi, cysylltwch rŵan!

rhian@m-sparc.com

Mae’r rhaglen Creadigol Digidol yn rhoi cyfle i bobl ifanc ddod yn arbenigwyr digidol! Trwy gydol y sesiynau hyn, gall disgyblion ysgolion cynradd ac uwchradd ddysgu popeth am y gwahanol gamau o gynhyrchu ffilm i greu eu rhaglenni dogfen eu hunain. Mae hyn yn cynnwys y cyfle i weithio gyda chamerâu, offer sain, goleuo, a’r gallu i olygu’r ffilm gyda’i gilydd, gan ddefnyddio cerddoriaeth a foley. Yn ogystal, byddant yn dysgu sut i farchnata’r ffilmiau, gan eu paratoi i gael eu dangos i gynulleidfa ehangach.

Yn ddiweddarach yn y flwyddyn, bydd y ffilmiau’n cael eu dangos mewn lleoliad leol ochr yn ochr ag ysgolion eraill fel rhan o seremoni wobrwyo, lle bydd gweithwyr proffesiynol y diwydiant yn bresennol i ddathlu’r gwneuthurwyr ffilm newydd am eu cyflawniadau wrth greu’r ffilmiau byr hyn.

Bellach gyda throsiant blynyddol o £1.4 biliwn, mae’r diwydiant ffilm a theledu yn tyfu’n gyflym yng Nghymru, ac mae angen i’r genhedlaeth nesaf baratoi gyda’r sgiliau i ddatblygu’r diwydiant hwn ymhellach. Allech chi fod yn un ohonyn nhw?

matt@m-sparc.com

Mae Clwb Sparci M-SParc yn glwb STEM Cymraeg unigryw sy’n cynnig amrywiaeth o weithgareddau cyffrous bob dydd Iau, i ysbrydoli plant 7-11 oed. O weithdai codio a dosbarthiadau roboteg i arbrofion gwyddoniaeth a sesiynau gwneuthurwr, rydym am i bob plentyn allu cael mynediad i STEM a’i fwynhau. Mae Clwb Sparci yn gymuned gynhwysol ac ysbrydoledig – byddwch yn rhan ohoni, ac ymunwch â’n sesiwn nesaf:

Clwb ar ôl ysgol M-SParc i bobl ifanc 12–16 oed yw Gofod, gan adeiladu ar sylfeini Clwb Sparci. Mae’n lle i archwilio sgiliau mwy datblygedig mewn STEM a’r celfyddydau, gyda phrosiectau ymarferol sy’n annog creadigrwydd, arloesedd a datrys problemau. O heriau dylunio digidol a chodio i beirianneg, cyfryngau a gweithgareddau gwneuthurwyr, mae Gofod yn helpu pobl ifanc i ddatblygu’r sgiliau y bydd eu hangen arnynt ar gyfer byd gwaith y dyfodol. Ymunwch â ni i ddysgu, arbrofi a chreu mewn cymuned gefnogol ac ysbrydoledig.