Mae Iechyd a Mwy yn cefnogi arloeswyr i ddatblygu syniadau sydd â’r potensial i drawsnewid gofal iechyd, y gwyddorau bywyd a gofal cymdeithasol ledled gogledd Cymru a thu hwnt.

P’run a ydych yn weithiwr gofal iechyd proffesiynol, yn ymchwilydd, yn fusnes, yn entrepreneur, yn fyfyriwr neu’n bersonsydd hefo syniad, byddwn yn eich cysylltu â’r arbenigedd, y rhwydweithiau a’r cymorth sydd eu hangen i helpu i wireddu eich arloesedd.

Wedi’i hariannu gan Hwb Gwyddorau Bywyd Cymru, mae M-SParc yn gyfrifol am arwain a chydlynu’r rhaglen yma mewn partneriaeth gyda Bwrdd Iechyd Prifysgol Betsi Cadwaladr ac Ysgol Feddygol Gogledd Cymru. Mae’r rhaglen yn galluogi i sefydliadau o bob rhan o’r rhanbarth ynghyd i gael cymorth ac arweiniad wedi ei deilwro i anghenion y cwmni, a hynny yma yng ngogledd Cymru. Drwy gydweithio, rydym yn helpu arloeswyr i gael y cyngor, yr arbenigedd a’r cysylltiadau cywir i ddatblygu syniadau a all wella iechyd a gofal.